Les mots surlignés font l'objet d'une note
1Reçue à Grenoble le 27 janvier 1573.
2Monsieur, j’ay receu votre lettre du quinziesme de ce moys,
3vous merciant très humblement la bonne souvenance
4quavés de moy et vous bonnes nouvelles ; et vous
5direy que les huguenaulx questiont à Beauchastel
6sen allarent hier matin sus les huict heures et
7prindrent le chemyn de Sainct Perais et croys quilz
8veullent aller à Bouzas. Monsieur de Lengieres a voullu
9assallir une maison forte sur le chemyn de
10Villeneufve de Berc à Aubenas. Il y a perdu quelques
11ungs et de ses gens et ny a rien faict. Lon ma
12escript que vient au roy douze mil Suysses. Je ne
13scay sy avez sceu la mort de monsieur de Montpezat,
14de quoy monsieur ladmyral de Villardz est
15fort marry. Que sera la fin, après vous en avoyr
16supplié me commander votre voulloyr pour icelluy
17toute ma vie acomplir daussy bon cueur que la
18dame de sceans et moy nous recommandons très humblement
19à votre bonne grace. Priant Dieu,
20monsieur, qui vous ayt en sa garde. De votre maison de
21Montoyson, ce XXme de janvyer 1573.
22Votre très humble et aubeisant
23Serviteur
24Montoyson